Novas
BellónMaceiras presenta o seu primeiro conto musicado “A Música das buguinas”
15/12/2021
BellónMaceiras (Daniel Bellón e Diego Maceiras) presenta o seu primeiro conto musicado dirixido ao público infantil e familiar. A partir do texto de Pepablo Patinho, BellónMaceiras constrúe a banda sonora de “A Música das buguinas” cunha selección de temas populares e composicións propias. O conto está ilustrado por Leandro Lamas e narrado por Gloria Mosquera de Mamá Cabra. Está dispoñoble á venda nesta páxina web e na Escola de Música BellónMaceiras en Fene.

O mundo de Roque, o neno que escoitaba os sons do mundo a través da súa buguina, pretende achegar a música tradicional galega ó público infantil e facer que os adultos a redescubran. Unha música cunha coidada selección entre os xéneros máis coñecidos e queridos da nosa tradición: muiñeiras, alboradas, pasodobres, pasacorredoiras ou regueifas.
 
Ir a tenda

Novo curso na Escola BellónMaceiras

06/09/2021

Un ano máis abríronse as portas da Escola de Música BellónMaceiras en Fene. Este curso retomaranse as clases de combo e a banda de gaitas e acordeóns e seguiranse compaxinando as clases presencias e online.

BellónMaceiras no festival IKEM
22/08/2021
O dúo BellónMaceiras participou no Festival IKEM de Fortaleza de Valença en Portugal. Daniel Bellón e Diego Maceiras xunto a Uxía, Rosa Leiro e Joâo Afonso acompañaron ó pianista Juan Carlos Cambas no seu concerto.
Novo proxecto musical: A música das Buguinas
11/05/2021
Daniel Bellón e Diego Maceiras embárcanse nun novo proxecto musical da man de Mamá Cabra e Cabe García. Este proxecto é un conto escrito por Pepablo Patiño onde se fusiona a música en directo e o teatro. Os pequeno e pequenas das familias poderán coñecer e descubrir a música tradicional.
Entrevista en Tradigaita
07/04/2021
O dúo BellónMaceiras participou nunha entrevista para a canle de YouTube, Tradigaita, xestionada polo
alumno da escola, Diego Prieto. Nesta entrevista falaron dos seus inicios, dos seus discos e sobre todo do
libro de partituras que recentemente acaban de publicar.
 
Ver entrevista.
Si continúa navegando consideramos que acepta el uso de cookies.OK+ info